Од трајноста и исправноста на одредени производи, преку цените па се до несоодветна информираност за одредени кредити и такси и надоместоци кои се плаќаат , ова се најчестите поплаки кои пристигнуваат од страна на потрошувачите.
Од таму велат дека се повеќе граѓани стануваат свесни за нивните потрошувачки права и затоа реагираат кога сметаат дека истите им се повредени. Од почетокот на годината најголемиот број на поплаки кои пристигнале биле за услугите во земјоделските и фармацевтските аптеки, банките, а во последно бил зголеме и бројот на жалби по однос на извршниите решенија од извршителите.
- Во последниот период се зголемени барањата за заштита на правата од страна на извршните решенија од извршителите. Имаме десет барања од таа сфера. Пет барања се за неуедначени цени на производи во земјоделски аптеки и фармацевтските аптеки. Тоа значи дека еден ист производ од ист производител во различни аптеки има различна цена што кај граѓаните предизвикува одредени трауми и губење време. Три барања се од сферата на банкарските услуги.
Апелираат до граѓаните доколку потрошувачките права се нарушени да им се обратат и ќе бидат упатени до надлежните инспекции како што се пазаришната инспекција, државниот земјоделски инспектпрат , а доколку се работи за извршни решенија тогаш и до народниот правобранител.
