Некои зборови за утеха едноставно не се добри. Не само што не треба да се кажуваат, туку многумина од нас секојдневно ги кажуваат како научени фрази, што се вели „сѐ ќе биде во ред“.
Кога некого тешиш, треба да внимаваш на начинот на кој го правиш тоа. Не е доволно само да кажуваш работи што сите ги кажуваат, а немаат значење и можат само да ја влошат ситуацијата. Некои изјави се станати толку банални што едноставно не вреди да се слушнат затоа што немаат смисла.
- Сѐ ќе биде во ред – не можеме да знаеме дали ќе биде или не
- Времето ги лечи сите рани – вистина, но тоа никој не сака да го слушне
- Не се грижи – човекот плаче и не може да не се грижи
- Требаше поинаку да постапиш – веројатно знае и не треба и ти дополнително да потенцираш
- Времето ќе си покаже – веројатно нема
- Ти реков – како веќе да не и е доволно тешко
- Ќе најдеш некој друг – во овој момент веројатно не и е до ништо
- Немој да плачеш – како?!
- Сѐ се случува со причина – но таа причина сигурно не и се допаѓа
- Знам како се чувствуваш – не можеш да знаеш точно како се чувствува другиот
- Биди силен – може да биде, но во овој момент сигурно не
- Време е да продолжиш понатаму – свесен е и самиот за тоа
- И мене ми беше така – во такви моменти не ги вртете работите кон себе
- И така не беше за тебе – него сигурно му се чини дека е последна
