За многу луѓе, животот поминува, а тие целото време го поминуваат размислувајќи што мислат другите луѓе за нив, барајќи дозвола од другите како да го живеат животот.
Тоа е особено така, бидејќи живееме во време на интернет и социјални мрежи кои диктираат како да се однесуваме. Сепак, додека да се свестиме што правиме, времето поминало.
За почеток, сфатете дека не ви треба дозвола од другите луѓе
Тоа е вашиот живот, а не нивниот. Тие се одговорни за својот живот, а вие за вашиот.
Сите имаме различни вредности и начини на живеење
Не постои универзален начин како да се живее животот. Иако постојат вредности кои треба да се следат, сепак секој од нас е растен и воспитуван на различен начин, има различни потреби и живее во свое окружување.
Тоа е формула за неуспех
Ако барате формула за неуспех во животот, тоа е таа. Никогаш нема да им угодите на другите луѓе, колку и да се трудите. На крајот ќе завршите несреќни и уморни.
Секој од нас чекори по своја патека
Секој од нас има различни планови за животот и различни работи кои го прават среќен. Тоа што една работа ве прави среќна вам, а другите се среќни поради нешто друго, не значи дека треба да се смените. Не правете го тоа за другите.
Размислете за тоа што ви е вистински важно
Направете го тоа што ви е важно вам, во овој момент или пак што верувате дека ќе ви биде важно за една или десет години отсега.
Прифате се и сакајте се себеси онакви какви што сте.
Работете на тоа да се прифатите себеси и работете да го промените тоа што сакате да го подобрите, а можете. Ценете ги добрите работи за себе и сфатете дека сите на овој свет сме различни битија. Следете ги своите успеси и ценете се себеси поради тоа.
