Голманот на фудбалската репрезентација на Црна Гора, Матија Шаркиќ (26), почина утринава околу 6:30 часот во Будва, каде што беше на одмор. Како што дознава „Вијести“, му се слошило во станот во кој престојувал, по што починал.
Матија Шаркиќ пред неколку дена бранеше на пријателскиот натпревар против Белгија во Брисел, но после тоа го пропушти натпреварот против Грузија во Подгорица. По натпреварот против Белгија, шпанска „Марка“ пишуваше за брилијантната партија на 26-годишникот.
Веста на својот инстаграм профил ја сподели Фудбалскиот сојуз на Црна Гора, каде упатија сочувство до семејството.
„Ќе ни недостигаш, драг наша Матија. Ќе ни недостига твојот ведар дух, твојата работна етика, твоето присуство во голот, твоите одлични одбрани... Најмногу ќе ни недостига човечката големина на Матија Шаркиќ“, стои во инстаграм објавата.
Шаркиќ е роден во Гринзби, а кариерата ја започна во Андерлехт. Играше за Виган, Астон Вила, Ливингстон, Вулверхемптон, Шрусбери, Бирмингем, Милвол и Стоук.
За репрезентацијата на Црна Гора одигра девет натпревари, а дебитираше против Белорусија во пријателски натпревар во 2019 година.
