Пајтонот веќе извесен период вози по „зимски возен ред“. Во случај времето да „стегне“, целосно ќе се прекине со работа.
Сега се уште вози низ Градскиот парк и тоа само во петок, преку викенд и за празници, бидејќи нема интерес за време на работните денови. Заинтересираните можат да се возат од пладне па до 15 часот.
Покрај турата низ Градски парк, пајтонот по нарачка вози и низ улиците во Скопје. Но, таквите тури треба да се закажат неколку дена однапред, за да се утврди и договори маршрутата.
-Постојано ни пристигнуваа барања за изнајмување на пајтонот за свадби и за сунети, меѓутоа ние одбивавме, затоа што немавме од каде да се движиме со пајтонот, освен во Градскиот парк. Ова сега е новитет што ќе го промовираме напролет Коњите се животни што не смеат да ги повредат нозете, а возењето на мраз го подразбира и тој ризик - вели директорот на „Лунапаркот“, под чија надлежност спаѓа и пајтонот.
Ценовник за користење на пајтонот
- Фотосесија до десет минути без прошетка со пајтон - 500 денари
- Фотосесија до 10 минути и прошетка со пајтон - 1.000 денари
- Секои наредни 10 минути се доплаќаат по 500 или 1.000 денари, во зависност од избраниот пакет
