Администраторот на Државниот архив на Република Македонија, надвор од работното време, односно околу два часот по полноќ влезе во пресметка со граѓаните на Фејсбук.
Поради навредливи коментари на граѓаните, Државниот архив најави кривична пријава.
-Државниот архив го пријавува овој коментар на Ристо Ангелов до Министерството за внатрешни работи сметајќи дека е говор на омраза и девалцирање на владина институција која што професионално ги извршува своите задачи и обврски. Предлагаме соодветните органи да преземат мерки за санкционирање на ваквото однесување на индивидуата“, објави Државниот архив.
Ова не беше единствената комуникација со граѓаните, затоа што неколку часа по полноќ продолжи „војната“ од администратотор на Државен архив и граѓаните.
