Вакцината не е задолжителна ниту за попишувачите иако државата ги стави во приоритетната група за имунизација. Се прават списоци од сите региони и до сега речиси половина се пријавиле за вакцина. За теренскиот дел од оваа статистичка операција ќе бидат вклучени околу 6000 лица. Првиот човек на ДЗС за Сител вели тие не можат никого да принудат, но одложувањето за септември ќе остави простор на нов конкурс, за да се најдат попишувачи што ќе сакаат да се вакцинираат.
Во приоритетната група граѓани освен оние 20.000 граѓани постари од 75 години, попишувачи, ќе се вакцинираат најверојатно и новинари. Начелно од здружението добиле потврда од МЗ дека ќе бидат издвоени околу 500 вакцини за новинари од целата држава.
Масовната имунизација според информации на Сител највератно ќе почне откако ќе пристигне првата пратка со кинески вакцини и тоа ќе се одвива во СРЦ Борис Трајковски. Салата се подготвува и ќе има 30 позиции за боцкање, а вакцините ќе се аплицираат на 15 минути. Директорот на спортскиот центар веќе ги откажал сите настани во големата сала кои биле планирани за наредните 2 ипол месеци.
Директорот се надева дека процесот на имунизација во Борис Трајковски ќе заврши до јули, бидејќи за тогаш салата е резервирана за големи спортски настани на европско и светско ниво.
