Околу 650 дечиња од осум основни училиште во Кисела Вода, кои за првпат ќе седнат во училишните клупи, ќе добијат квалитетно анатомско ранче, тетратки и неопходен училишен прибор.
Градоначалникот на општина Кисела Вода, Орце Ѓорѓиевски вели дека е среќен што може да им помогне на семејствата со овој проект.
- Со овој проект кој лани за првпат го започна Кисела Вода и искрено се радувам што се прошири речиси низ целата територија на Македонија, имаме за цел да им овозможиме финансиско олеснување на сите семејства кои и оваа година за своето прваче треба да издвојат огромна сума на пари и тоа во ек на енормни поскапувања, вели Ѓорѓиевски.
