Градот Скопје деновиве ги почна работните активности и за првпат мостот во Маџари ќе добие осветлување.
Екипите на терен поставуваат шест нови канделабри, а се работи и на поставување на потребните инсталации.
Со поставувањето на осветлувањето на овој мост во населбата Маџари, ќе се зголеми безбедноста на сообраќајот во овој дел од градот.
На терен работат екипите на Дигитал ДОО Струмица, а Градот Скопје за овој проект од буџетот ќе потроши околу 774.000 денари.
