Машката ракометна репрезентација попладнево го игра вториот контролен натпревар во рамките на подготовките за Европското првенство во Хрватска. Противник на избраниците на селекторот Раул Гонзалес е селекцијата на Србија, која исто како и Македонија е учесник на ЕП.

Почетокот на дуелот е во 18 часот и се игра во Белград, а домаќинот со цел да има што повеќе навивачи се реши влезот за натпреварот да биде слободен.

Инаку, во првиот од двата контролни дуели Македонија вчера убедливо ја совлада селекцијата на Саудиска Арабија со 37:21 и овој натпревар се играше во Белград.

По дуелот со Србија македонските ракометари ќе имаат уште два слободни дена за Божикните празници, а новиот собир ќе биде на 8.јануари и во Скопје ќе се тренира три дена бидејќи селекцијата на Македонија за загреб патува на 11.јануари. 

Првиот натпревар на ЕП Македонија го игра на 13.јануари против Словенија.