Социјалните мрежи, се чини, се единственото место каде граѓаните може да го искажат својот револт што со сопствени средства мора да ги менуваат личните документи, со новото име на државата, а притоа да се малтретираат дополнително. Најреволтирани се оние кои, иако ги сменија документите, пред неколку години, а сепак, поради пропусти и тендери, ги добија со старото име на државата.
На оваа тема својот револт го искажа и Андеј Сених, активист кој инаку е извршен директор на Здружението за поддршка на луѓето што живеат со ХИВ – „Заедно посилни“.
- Иако многумина граѓани чувствуваат дека промената на името на државата е некакво понижување, со повеќе аргументи може да се аргументира дека не е. Но, вистинското понижување е ова. Се разбира, само еден од многуте примери. Граѓаните се понижувани од нивните инститции, од луѓе што тие самите ги издржуваат. И секако од неспособни власти. Да потпишеш договор дека за 5 години ќе ги смениш сите документи за лична идентфикација и да продолжиш уште две и пол години да издаваш документи со старото име на државата. А потоа, знаејќи колку емотивно прашање е промената на името за голем дел од граѓаните, да се изживуваш со тоа што повторно ќе им наплаќаш од џеб за да извадат документ со новото име и плус да ги изложуваш на ваков хаос и тортура. Што е тоа ако не врв на политичка имбецилност? - порача тој на својто фејсбук пробил.
