Од Спортскиот центар „Борис Трајковски" известуваат дека официјално е отворено ВИП-лизгалиштето за сите љубители на добрата забава на мраз.
Годинашната сезона е отворена со спектакуларна забава на мраз со денс-атракцијата „Битрикс кру", а за добрата музика бил задолжен диџеј Бугимен.
Оттаму велат дека лизгалиштето е отворено за сите љубители на рекреативното лизгање и убавината да се лизга на вистински мраз и воедно нуди одлични услови кои се мотивација за деца и млади луѓе што ќе одлучат да ги изучуваат тајните на уметничкото лизгање во школата за уметничко лизгање.
