Само во декември 2021 година од прифатилиштето на јавното претпријатие „Лајка“ биле вдомени 45 кучиња, што според надлежните е најуспешниот месец во текот на изминатата година.
Она на што се особено горди од ова претпријатие е што изминатата година биле вдомени вкупно 200 кучиња и секое од нив е на вистинското место.
-Благодарност до граѓаните кои имаат досега вдомено куче од Лајка, како и до активистите и здруженијата за заштита на животни кои заедно со нас придонесоа во процесот на вдомување и во зголемување на бројката на вдомени кучиња како во нашата држава, така и во странство- нагласуваат од претпријатието.
