Екологистот Кирил Пржо нотира интересен факт кој се однесува на македонските туристи кои патуваат во Африка.
Неретко може да се забележи дека, фотографираат мали деца, црнчиња, правејќи „фото-кадар“ од нивнито оскуден живот.
Пржо вели дека овие деца не се туристичка атракција и направи паралела со нашите македонски училишта.
- Во последните години благодарајќи на ефтини летови и аранжмани многумина од Македонија и регионот успеаваат да патуваат подалеку, низ делови од афричкиот континент. Тоа е супер. Иако тоа не е туризам туку организиран театар на отворено со тури на лента - сепак е личен избор. Никогаш не сум разбирал, ама па сега кога ќе видам наши луѓе како го прават тоа уште помалку. Која е потребата кога сте на одмор во Африка да влегувате во училници и да се сликате со деца на настава? Што е тоа што е тука интересно за посета? Да се сликате со деца ко да се туристичка атракција? Да се разбереме такви оскудни услови имаат многу училишта низ државата - со валкан под, без греење, без прозори, со ќумбе...Мислам замислите доаѓаат туристи од Норвешка, кај вашето дете во школо да се сликаат: Леле види ги гревовите уште немаат книги, ги лаже министерот ќе се готови! или пак: леле види немаат тоалетна во тоелетите! За греота сте жими мајка, порача Кирил на својот фејсбук профил.
