Во Арената Филип Втори во Скопје утре од 14 до 18 часот ќе се одржи првиот аматерски атлетски митинг „Скопје 2017“.
Атлетскиот митинг е наменет за сите оние кои го сакаат трчањето, рекреативно се занимаваат со трчање и спорт, се подготвуваат за Скопскиот маратон или пак сакаат да ги проверат своите можности и брзина во некоја од предвидените дисциплини.
Учесниците ќе можат да се натпреваруваат во дисциплините на 100 метри, 400, штафета 4 по 400, една миља (1600 метри), 5.000, 10.000 метри и скок во далечина. Пријавувањето за учество е преку веб страницата www.prvdovrv.mk.
Првиот атлетски митинг за рекреативци е во организација на здружението за спорт и рекреација „Прв до врв“ во соработка со Атлетската Федерација на Македонија.
