Во 2016 година во истиот период од годината се соочувавме со поројни дождови кои не запреа со денови.
Силните дождови продолжија во попладнето на 6 август 2016, особено зафаќајќи ги Стајковци, Црешево, Арачиново, Смилковци и други места блиску до скопската обиколница,
Во текот на 24 часа на 6 август 2016 во Скопје наврнале 92,9 литри на метар квадратен, а во текот на првите два часа од почетокот на невремето имало повеќе од 800 громови.
Невремето и поројот од вода предизвика пад на дрвја, а домовите останаа без електрична енергија. Околу илјада граѓани беа евакуирани во текот на ноќта на 6 август.
Во овие поплави животот го изгубија 22 лица. Екипи на Црвениот крст и доброволци помагаа на терен, во расчистување на домовите и евакуирање на граѓаните.
Поради поплавата, оштетени беа и делниците на скопската обиколница.
8 август 2016 беше прогласен за ден на жалост.