Србин на фејсбук групата „Грчка инфо“ објави дека му бил украден автомобилот од паркинг во Солун, но за среќа бил пронајден од страна на полицијата.
- Здраво. Јас сум сопственикот на возилото кое беше пронајдено и вратено. Не сакав ништо да објавам доека не заврши потрагата и не се вратиме дома. Би сакал да ѝ се заблагодарам на грчката полиција која го пронајде автомобилот. Возилото било користено за превоз на мигранти и поминало 2.500 километри додека не беше најдено. Благодарност до полицаецот кој се обидел да го запре автомобилот. Возачот се обидел да бега, но притоа имал сообраќајка и го оштетил возилото. Треба да се вложи во него за да се среди, подобро така отколку нов автомобил, објави Синиша.