Со цел да се направи попријатна празнична атмосфера, во пресрет на новогодишните празници, општина Гази Баба започна со украсување на својата територија.
-И оваа година пред новогодишните празници ги мотивираме жителите на Гази Баба заеднички да го украсиме просторот каде живееме и работиме. За таа цел општината ќе доделува награди за најубаво новогодишно украсување во категориите двор, тераса и простор пред зграда (заедница на станари), пред стопански субјект, училиште и градинка, информираат од општината.
Пријавувањето може да се направи на телефонскиот број 02/3212-886, на бесплатниот телефон 0800-4-2222, на e-mail mediumi@gazibaba.gov.mk или лично во едношалтерскиот систем во општината, најдоцна до 22.12.2014 год.