Лијанко Евангелиста Силвеира Невес Војновиќ (20), можеби во иднина ќе настапува за нашата најдобра селекција.
Имено, како што дознавме, челниците на нашата фудбалска федерација имаат контактирано со самиот фудбалер и ако сè биде в ред тогаш во блиска иднина одличниот стопер би можел да заигра за нашата најдобра репрезентација, пренесува Македонски спорт.
Инаку, Војновиќ е роден во Бразил на 01.02.1997 година во Виторија - Бразил. Ги минува школите на Сао Паоло и Ботафого, а има игра за првиот тим на Сао Паоло. Војновиќ, кој има српско потекло, има играно за младите селекции на Бразил, но и на Србија. Е сега дали ќе се успее да се „зграпчи“ овој „кариока“ и да игра за нашиот национален тим, останува да се види, ако да тогаш дефанзивата, односно стоперската линија би била поконкурентна.
