УЕФА можеби направи грешка со одлуката да биде организирана лотарија преку која ќе бидат распределени билетите за големиот фудбалски спектакл, европскиот Суперкуп кој ќе биде одигран на 8. август на националната „Телеком Арена“ во Скопје.
Факторот среќа играше најголема улога за време на лотаријата, но за жал поголемиот дел од билетите завршија кај лица кои ниту се навивачи, ниту следат фудбал, пренесува Вечер.
Веднаш откако УЕФА ќе го испрати меилот дека аплицирањето за билет е успешно, на сите социјални мрежи и на сајтовите на кои се продава се и сешто, доминираа понудите за продажба на билетите, нормално по далеку повисока цена. Македонецот требаше да одвои 15, 30 или 50 евра за да во живо ги гледа ѕвездите на актуелниот европски клупски шампион, тимот на Реал (М) и на најтрофејниот англиски клуб Манчестер Јунајтед, но тој што немал среќа во лотаријата, а е голем фан на еден од двата клуба, сега мора да понуди најмалку 300 евра за еден билет.
