Поради покачен крвен притисок македонските граѓани најчесто оделе на лекар во јануари.
Податоците од Мој термин покажуваат дека матичните лекари со оваа дијагноза имале над 204.000 пациенти. На истите им биле издадени близу 693.000 рецепти. Токму и лекот за хипертензија е на врвот на најпропишувана терапија претходниот месец.
Ова најверојатно се должи на промените на времето како прво и зголеменото загадување како второ. Поради индикации за кардиоваскуларни заболувања на дополнителни лабораториски испитувања во јануари биле издадени упати на околу 155 000 пациенти , а на интернист близу 53.000 граѓани.
Статистиката од мој термин покажува дека во претходнипот месец над 20.000 граѓани поради проблеми со очите имале потреба од офталмолошки преглед, а околу 17.000 пациенти биле на ортопед.
За разлика од декември кога пред ординациите на матичните лекари најчесто имаше пациенти со настинки и симптоми на грип, во јануари во чекалните најмногу се пациентите со кардиоваскуларни заболувања, пред се со покачен крвен притисок.
