Град Скопје соопшти дека од претстојниот викенд ќе почне втората дезинсекција против комарци.
Авионската дезинсекција на подрачјето на Скопје, против возрасни форми на комарци, ќе се одвива во сабота и во недела во раните утрински часови.
Терестричната дезинсекција, пак, ќе почне в недела и ќе заврши најдоцна до четврток, во период од 23 до 04 часот, наредниот ден.
– Доколку временските услови не го дозволуваат вршењето на дезинсекцијата, тоа ќе биде направено првиот нареден ден кога ќе бидат поволни временските услови – информираат од Град Скопје.
Град Скопеј апелира до пчеларите навремено да ги преземат потребните мерки за заштита на пчелите.
