Промена на времето со пад на дневната температура за околу осум степени се очекува од сабота кога ќе има локален дожд и ќе дува умерен до засилен северен ветер.

Според прогнозата на УХРМ, во сабота минималните температури ќе се движат од 4 до 10 степени, а дневните од 9 до 17 степени. 

Во недела преку ден ќе биде стабилно, а кон крајот на денот и во текот на ноќта, како и во понеделник претпладне, ќе има заладување со засилен ветер и врнежи од дожд и снег на планините. Во недела утринските температури ќе се спуштат до - 3 степени, а дневните температури ќе достигнат до 20 степени, а во понеделник утринските ќе се движат од 1 до 8 степени, а дневните од 6 до 14 степени. Во вторник ќе биде стабилно но, ладно со утрински температури од -5 до 4 степени и дневни од 5 до 13 степени.

Стабилно, суво и потопло ќе биде уште утре кога максималната температура ќе достигне 25 степени.