Првата независна издавачка куќа во Македонија "Ѓурѓа” одбележува три децении постоење. По повод јубилејот таа објави 30 наслови во специјална едиција "30 години Ѓурѓа" и нив ги претставува на Саемот на книгата.
Првиот наслов "Ѓурѓа" го објави во 1987 година - стихозбирката "Римјани" од Паско Кузман, со цртежи на академскиот сликар Божидар Дамјановски. Оттогаш оваа издавачката куќа има објавено над илјада наслови од најразлични области.
Покрај изданија од областа на психологијата и филозофијата, забележително место во продукцијата на "Ѓурѓа" имаат и над 30 монографии за ликовната уметност, преводните изданија од убавата литература, како и наслови од домашни автори. Пред се, тоа се наслови и автори кои првпат се преведуведени на македонски јазик.
Во изминатите 30 години "Ѓурѓа" беше издавач и на неколку списанија, меѓу кои меѓународното списание за култура „Леттре Интернатионале", основано од Антонин Лим од Париз, „Њорлд Пресс Избор" и енигматското списание "Кефало".
