Коњите кои во 2013 година беа купени од страна на тогашниот градоначалник Коце Трајановски, сегашниот градоначалник Шилегов ги продава, но продажбата се уште е неуспешна.
Коњите беа купени со цел разгледување на проектот „Скопје 2014“. Заедно со нив имаше и кочија и цела опрема. Но, откако на власт дојде Шилегов, овој проект беше укинат и прекинат. Коњита сега не се користат за ништо. За нив се грижат вработените од ЈП „Паркови и зеленило“ и истите се сместени во шталата кај бараките на претпријатието на кејот на Градскиот парк.
Еден коњ се продава по цена од 1.800 евра, а заедно со кочијата и целата опрема 5.300 евра, но се уште нема заинтересирани купувачи.
Единстен ангажман на коњите и кочијата е кога се изнајмуваат од страна на младенци за венчавки и фотосесии.
