Под мотото „Не се дише“ денеска напладне пред седиштето на Град Скопје граѓани на главниот град се собраа на протест поради континуираната загадаеност на воздухот и високите концентрации на ПМ 10 честички.
Учесниците на протестот бараат надлежните да преземат мерки против предизвикувачите на загадувањето на воздухот. Меѓу нивните барања да се сопре користењето автомобилски гуми како гориво во производството, да се вградат филтри на индустриските капацитети, да се почне гасификација на Скопје и да запре сечењето дрвја.
Во изминатите денови протести против загадувањето одржаа и граѓаните на Тетово.
