Матка, Водно, Центарот на Скопје, Чаршијата...се само дел од туристичките дестинации за голем број посетители.
Што треба да знаат туристите кои го посетуваат Скопје? На што посебно треба да внимаваат?
На овие прашања, низ неколку совети, одговор дава туристичкиот водич Спасе Манев.
Користете јавен превоз наместо такси
Такси превозот во Скопје е скап, како и во секој друг главен град. Со зголемувањето на цената на нафтата, од лани се зголемени цените на такси превозот. Некои туристи кои го посетиле Скопје се жалат дека им наплаќале многу повеќе отколку што треба. Но, не се сите такси компании такви, има многу што работат чесно, но сепак, превозот со автобус или пешачење е попрофитабилен.
Доколку сакате да го посетите кањонот Матка и да ги избегнете гужвите, посетете го наутро во 9 часот
Како најголема туристичка атракција во Скопје, кањонот Матка е полн со туристи. Најпосетувано е за време на викендите и ако не сакате гужви, посетете го во работен ден или рано наутро. Може да се посети и со автобус, а доколку сакате да одите со автомобил, треба да го посетите наутро за да најдете бесплатен паркинг простор.
Жичарницата на Водно не работи секој понеделник
Планината Водно е и една од најпосетените знаменитости на Скопје. Најмногу гужви има за викендите. Ако сакате да го посетите врвот додека користите жичарница, тогаш не го посетувајте во понеделник, затоа што тогаш не функционира.
Нема јавни тоалети
Една од најголемите недостатоци на Скопје е тоа што нема јавни тоалети. Ако ви треба тоалет, тогаш ќе мора да влезете во трговски центар или ресторан.
Подобро купи вода од продавница
Скопје има голем проблем со чешмите за пиење вода. На многу места каде што треба да бидат, не се. И тие што ги има се нефункционални. Чешма за вода за пиење во Скопје тешко се наоѓа, затоа најдобро е да се купи вода од продавница.
Внимавајте каде разменувате пари
По примерот на Охрид, дел од менувачниците им штетат на туристите и ги менуваат парите по лош курс, понекогаш ова се прави и во Скопје во менувачниците во туристичките места како Стара Бит-пазар и центар. Ако сте во можност, разменете пари во менувачниците кои не се во строгиот центар на Скопје. Оваа измама се практикува низ целиот Балкан. Некои менувачи на пари сакаат брзо да се збогатат.
Внимавајте на пешачките премини и улици
Скопје е град во кој граѓаните возат многу брзо и не обрнуваат внимание на пешаците. Секој ден во градот се случуваат несреќи и удираат пешаци. Често се случува пешаците да не поминуваат пешачки премин и да се повредат, но се случува да поминуваат пешачки премин и да се повредат.
Не купувајте од препродавачите што шетаат низ центарот на градот
Ова се препродавачи кои се наоѓаат во скоро секој туристички град во Европа. Продаваат очила за сонце, ташни, нараквици, парфеми, ѓердан Ова е нискоквалитетен производ и може да остави последици на вашата кожа доколку користите нискоквалитетен парфем, ѓердан и нараквица Многу од нив ги освојуваат луѓето со своите евтини цени.
Не оставајте пари на просјаци
Овие луѓе, кои се скоро сите од ромски националност, просат на плоштад, Камени мост и чаршија. Парите што луѓето им ги даваат, не се знае каде одат, а повеќето скопјани сведочеа дека ги користат за дување лепак, цигари и слични штетни работи. Наместо нив, оставете им пари на музичарите што се на плоштад. Барем така знаеш на кого му даваш пари и ќе се искористат за нешто добро.
Доколку сте во посета на Скопје и сакате да видите туристички знаменитости, можете да видите неколку од нив во центарот на Скопје
Во строгиот центар на Скопје можете да разгледате неколку знаменитости. Сите се блиски едни до други, затоа нема потреба да дојде локален со вас да им покаже наоколу, како што можете сами да ги најдете и научите за нив.
