Еден старец и неговиот син работеле на нивната фарма. Имале само еден коњ. Еден ден, коњот избегал.
Соседите сочувствувале и викале: „Страшно! Каква несреќа!“
Старецот одговорил: „Среќа? Несреќа? Ах, кој би знаел...“
Наредната недела коњот се вратил од планината, со себе донел уште 5 прекрасни кобили.
Соседите велеле: „Каква среќа!“
Старецот рекол: „Среќа? Несреќа? Кој би знаел?“
Следниот ден, синот се обидувал да припитоми една од кобилите, паднал од неа и си ја скршил ногата.
Соседите викале: „Каква несреќа!“
Старецот прашувал : „Среќа? Несреќа?“
Започнала војната, дошла војската и ги однела сите здрави млади мажи. Синот на старецот не им бил од корист бидејќи имал скршена нога, па не го земале него.