Сара Смит, мајка на две деца, тврди дека откако почнала да пие по три литри вода дневно, изгледа 10 години помлада.

По години поминати во проблеми со главоболка и лошо варење, оваа 42-годишна жена се обратила кај невролог и нутриционист, па одлучила да направи експеримент кој траел месец дена.

Со пиењето на вода таа доживеала драматична трансформација, а пред се на нејзиното лице.

Сара смета дека дехидрацијата е главниот виновник за подочниците, темните сенки околу очите и чудните црвенкасти дамки.

-Мојата кожа немаше никаков сјај, изгледаше мртво. Нашето тело е зависно од вода која ги отстранува отровите од виталните органи, ги пренесува хранливите материи до клетките, ја одржува виталноста на ткивата. Ако не испиеме доволно вода, нашето тело не функционира добро. Затоа се одлучив на овој експеримент кој траеше 28 дена, вели таа.