Иницијативата против урбаното дивеење соопштија дека по донесениот ДУП С3 16 од страна на општина Ѓорче Петров после цели 6 години можат да прогласат победа. Со овој ДУП е предвидуваат нови зелени површини во централниот дел на општината.
- “Со овие проекти конечно централното подрачје во нашата општина ќе добие објекти кои се од исклучителна важност за непречено секојдневно функционирање и голем број на нови зелени површини. Шест години нашата битка беше против насилна бетонизација на општината. Конечно имаме слух за нашите барања. Новите паркови и зелени површини конечно стануваат реалност“, соопштија од Иницијативата.
Тие упатија искрена благодарност за соработката до министерката за одбрана, Славјанка Петровска, министерот за транспорт и врски Благој Бочварски и до градоначалникот на Општина Ѓорче Петров, Александар Стојкоски.
Од таму додадоа дека оваа е една убава историја за сите Ѓорчепетровци и пример како треба да се работи во интерес на граѓаните.