"И после се прашувате зошто Драмски е најдобриот театар во Македонија!?
Еве зошто:
- Игра и кога снемува струја,
- Публиката одбива да замине од претставата и ги пали светлата на мобилните телефони за да можат актерите да добијат осветлување на сцената
- Актерите го доиграа првиот дел од претставата испртени со овации." - ова на својот фејсбук профил го објави вечерва Роберт Вељановски, директор на Драмскиот театар во Скопје.
Во исто време актерот Драган Спасов - Дац објави фотографија на која се гледа дека сцената е осветлена со помош на мобилните телефони од публиката:
Во Драмски на пола представа, а и во цел Карпош снема струја.
Ова е селфи со публиката која ни помогна со нивните телефони да го доиграме првиот дел.
Браво за публиката! - објави тој на својот фејсбук профил.
Инаку како што објави вечерва Скопје Инфо поради технички проблем, половина Скопје вечерва е без струја.
