Во народната медицина, маслиновото масло отсекогаш се користело како одличен природен лек кој помага во ублажување на разни тегоби.
Photo by Seval Torun on Unsplash
Се користи при чешање и каснувања од инсекти, како и за лекување на болни хемороиди и запек. Маслиновото масло одлично делува на целиот дигестивен систем, го намалува ризикот од формирање на камења, како и појава на гастритис – ги обложува ѕидовите на желудникот и го спречува штетното дејство на киселината.
Ова масло го одржува цревниот микробиом и дава силен поттик на работата на најголемиот чистач на телото - црниот дроб.
Благодарение на мононезаситените масни киселини, ова „златно масло на Медитеранот“ е одлично и за здравјето на срцето и циркулаторниот систем. Исто така, изобилството на антиоксиданси го прави одличен сојузник за здравјето и убавината на кожата.
Без оглед на неговата примена, секогаш избирајте висококвалитетно, ладно цедено, екстра девствено масло. Таквото масло е најздраво бидејќи има најмногу антиоксиданси, како што се витамините А, Д, Е и К, па затоа и најдобро делува на здравјето.
Како помага маслиновото масло против тврдата столица?
Photo by Dimitri Karastelev on Unsplash
Познато е дека маслиновото масло делува како благ лаксатив. На пример, му помага на столицата да задржи доволно вода и влага, што на крајот го олеснува движењето на дебелото црево. Исто така, ова супер здраво масло ја заштитува и ја зајакнува слузницата на дебелото црево, која може да се оштети од честите тврда столица.
Истражувањата ги покажаа и придобивките од маслиновото масло за здравјето на цревата. Според една студија, пациентите на дијализа го олесниле нивниот проблем со запек со секојдневно консумирање маслиново масло. Друга студија покажува дека маслиновото масло, особено кога се комбинира со бадемово масло, ја омекнува столицата и го поттикнува движењето на дебелото црево.
