Без печење, без миксер - прекрасен ролат готов за час!

Состојки:

Темен фил:

300 гр мелени бисквити

250 мл млеко

100 гр шеќер во прав

2 супени лажици какао

1 јајце

Бел фил:

250 гр маргарин

200 гр кокосово брашно

150 гр шеќер во прав

и уште:

3 банани

1 супена лажица сок од лимон

Подготовка:

Во еден сад измешајте ги мелените бисквити, шеќерот во прав и какаото.

Додадете млеко и јајце кои сме ги изматиле со виљушка, па измешајте да се добие компактна смеса.

Во друг сад добро измешајте го маргаринот претходно оставен на собна температура со шеќерот во прав. Постепено додавајте кокосово брашно и мешајте се фино да се поврзе.

На поголемо парче провидна фолија истурете го темниот фил, покријте со друго парче фолија, па со сукало истенчете го во правоаголна кора.

Тргнете ја фолијата од едната страна, па над темниот фил ставете го белиот. Повторно покријте со фолија и со сукало истенчете да се спојат филовите.

Бананите излупете ги и премачкајте ги со лимонов сок.

Тргнете ја фолијата од белиот фил, по средината наредете банани, па заролајте.

Ролатот ставете го на ладно, заедно со фолијата која беше на долната страна.