Политичарите денеска излегоа со честитки до работниците по повод Меѓународниот ден на трудот.
Со честика се јави и една од најголемите активистки за заштита на работничките права во земјава, Кристина Ампева. Праша: „Среќен ли е Први мај?“.
- Да сте живи и здрави работници и работнички! Вашиот труд ја прави оваа држава, држава! Од вас зависи економијата, од вас зависат фабриките, работодавачите, капиталот! Бидете здружени, солидарни, покажете храброст и волја да смените нешто на подобро! Нека е честит денот на трудот! - порача таа на својот фејсбук профил и сподели стихови од Кочо Рацин.
"До еден работник
Да бидеш човек, да имаш топла крв,
да мислиш со глава и да работиш со рака
и па да бидеш нешто мртво.
През цел свој живот и ден и ноќ
да се трудиш и мачиш
и па да бидеш гладен и страден.
Работник - патник:
да немаш ништо, да страдаш за сичко -
а ти и твоите браќа да праите се!
Палати да праиш
да живееш у изба -
од лулка до гроб
да бидеш роб.
Од вашата мака
да живеат друзи!
О, братко! Плукни на таков живот!
Со браќата твои, со маката ваша,
сронете го овој свет
и нов направете -
братски!
Кочо Рацин"
