Нашето тело не може самото по себе да создава омега - 3 масни киселини. Затоа е потребно да конзумираме храна богата со овие здрави масти или пак да земаме суплементи во исхраната.
Тие се клучни за нормален раст и развој. Овие киселини се концентрирани во мозокот и се важни за бихејвористичките и когнитивни функции. Симптомите поврзани со нивниот недостаток се следните:
Лоша циркулација
Депресија или чести проблеми во расположението
Проблеми со срцето
Сува кожа
Лоша меморија
Замор
Истражувањата покажуваат дека омега 3 масните киселини ги намалуваат воспаленијата и можат да го намалат ризикот од хронични заболувања како артритисот, ракот и срцевите заболувања.
Ова се докажаните здравствени бенефити од нивното редовно конзумирање.
Намалено ниво на лошиот холестерол
Една причина зошто треба почесто да ги конзумираме овие масни киселини е тоа што тие придонесуваат за намалено ниво на триглицериди и лош холестерол.
Подобрено здравје на срцето
Многу истражувања покажуваат дека омега 3 масните киселини го чуваат срцето. Тие го намалуваат и крвниот притисок и ги штитат артериите, а дополнително штитат од аритмија и срцеви удари.
Подобрено варење на храната
Ако се мачите со подуеност, гасови и лошо варење на храната, омега 3 масните киселини може да се решение за вашите проблеми.
Подобрување на симптомите кај шизофренија
Одредени истражувања покажуваат дека омега 3 масните киселини придонесуваат за подобрување на симптомите кај луѓето кои страдаат од ова заболување.
Помагаат кај депресија
Истражувањата докажуваат дека омега 3 масните киселини имаат значајна улога во одржувањето на добро ментално здравје и спречувањето депресија. Тие го подобруваат расположението и помагаат кај лошо расположение, намален фокус, намалено либидо, замор и проблеми со спиењето.
Намален ризик од рак
Научниците истакнуваат дека редовното земање на суплементи од овие здрави масти го намалуваат ризикот од рак на простата, дојката и тн.
Намален ризик од остеопороза
Според научниците, омега 3 масните киселини ја подобруваат апсорпцијата на калциум кој ги чува коските, а со тоа придонесуваат и за зачувување на нивното здравје.
Подобра кожа
Омега 3 масните киселини се одлични за луѓето кои страдаат од егзема, псоријаза и акни. Дури и да верувате дека имате совршена кожа, тие придонесуваат за подобрување на клетките на кожата и и даваат здрав и младешки лик.
