За денеска точно напладне (12 часот) во „Куќата на фудбалот’’, односно просториите на Фудбалската федерација на Македонија (ФФМ) ќе се одржи извлекување на паровите за следната натпреварувачка сезона, 2016/2017 година.
Во Првата лига, титулата ќе ја брани Вардар, а како и минатата година главни конкуренти се очекува да му бидат екипите на Шкендија и Работнички, а во трката за врвот се очекува да се прикчучи и Силекс.
По повеќегодишна пауза во прволигашкото друштво се врака прилепска Победа, а повратници во Првата лига се и екипите на Македонија Ѓорче Петров и Пелистер. Списокот од 10-екипи во прволигашкото „друштво„ го заокружуваат, Брегалница, Ренова и Шкупи.
Покрај ждрепката за Првата ќе одржи и извлекувањето на паровите за Втората лига како и за Купот на Македонија.
ФФМ упати покана на сите учесници во натпреварувањата со свој претставник да бидат дел од извлекувањето.
