Во животот доаѓаат и убави и лоши времиња. За добрите ни е потребна мудрост да ги препознаеме и да уживаме во нив, а за лошите трпение да истраеме. Но, многу често самите ги комплицираме работите многу повеќе одошто е потребно.
Како да си помогнеме?
1) Мислете на другите, но секогаш ставајте се себеси на прво место.
Не морате да бидете себични, не морате да лажете или пак да ги занемарувате другите. Едноставно, препознајте ги своите потреби, работите кои ви се важни и потрудете се за себеси онака како што се трудите за другите.
2) Чувајте го своето здравје
Многу често мислиме дека животот е долг и дека имаме милион години за да живееме. Но, тој минува брзо, а проблемите доаѓаат ако не се грижиме за своето физичко и ментално здравје.
3) Трошете онолку колку што имате (но и штедете повремено)
Не морате да бидете „скржави“ и да си лишувате себеси од задоволства. Сепак, важно е да штедите и не само за црни времиња, туку и за да си дозволите нешто поголемо кое сте го сакале – голем телевизор, нова технологија, далечно патување.
4) Потрудете се да ги исполните своите цели и соништа
Ако вие не се трудите да ги исполните своите цели и соништа, тогаш кој да го направи тоа? Дајте се од себе за да го постигнете тоа што го сакате. Дури и да не успеете, ќе знаете дека сте направиле обид за тоа.
5) Не бирајте работа само затоа што ви требаат пари
Во ред е да се почне со некоја работа за да се стекне искуство, но ако избереме работа на која ќе го посветиме целото време а која не не исполнува, тогаш сме го минале животот без поента. Парите се одлични, но добро е и да имаме можност и време да ги порошиме.
