Запаметете: Не можете да контролирате сѐ во вашиот живот. Некои утра ќе се разбудите со нервоза и со тешкотија во стомакот и ќе ви биде тешко што сте живи. Други денови пак, ќе се смеете без причина, ќе потпевнувате и ќе го сакате светот.

Ќе има мигови во животот кои со леснотија ве носат напред, но и онакви кои делуваат како да ве убиваат и толчат полека. Изберете ги правилните луѓе околу себе за да ви помогнат да ги преживеете и едните и другите моменти.

Некои денови животот нема да има смисла, сите нешта ќе бидат наопаку и ќе ви изгледа како целиот свет да е против вас. Други пак, без смисла, сите нешта ќе доаѓаат на свое место. Но, тоа е животот. Тоа е убавината на животот. Набљудувајте ги внимателно и едните и другите ситуации.

Понекогаш животот ќе биде хаос – косата, креветот, зборовите и речениците и главата и срцето. Понекогаш е убав хаос, во кој не размислувате од каде доаѓа среќата. Понекогаш пак се прашувате како сте го заслужиле тоа што го имате. Радувајте се!

Животот понекогаш е магичен, а понекогаш тежок и хаотичен. Некогаш ви носи милион можности одеднаш, друг пак ништо освен нервоза и длабоки воздивнувања. Издржете. Знајте дека никогаш не е крај, додека не се откажеме. Мораме да се потсетиме себеси никогаш да не се откажуваме. Да дадеме се од себе. Да го очекуваме најлошото, но и да се надеваме на најдоброто.

Животот е хаос, но убав хаос. Не се предавајте.