Жена прегазила 77-годишен старец и побегнала

77-годишен старец од Скопје бил прегазен на 26-ти овој месец во Скопје од автомобил, управуван од женско лице. Истото лице по незгодата го напуштило местото на настанот.

-На 26.11.2018 година во 14.30 часот во близина на крстосница на улиците „23 Октомври“ и „Коста Новаковиќ“ во Скопје, возило управувано од женско лице удрило во пешакот Ј.С.(77) од Скопје и подоцна го напуштило местото на настанот. Ј.С. се здобил со тешки телесни повреди и бил пренесен во Градска болница „Свети Наум Охридски“. Увид на местото извршила екипа од СВР Скопје и се преземаат мерки за пронаоѓање на лицето и расчистување на случајот, велат од МВР.