Градоначалникот на Општина Центар, Горан Герасимовски денеска посочи дека започнала реконструкцијата на детското игралиште „Дрвен“ во Дебар Маало.
„Го обновуваме едно од најпознатите детски игралишта во Центар – „Дрвен“. Старите и дотраени реквизити и урбана опрема ги заменуваме со нови, современи и безбедни содржини, а ќе изградиме и нов летниковец за одмор и дружење“, истакна Герасимовски во објава на Фејсбук, додавајќи дека создаваат подобри услови за игра, спорт и квалитетно поминато време на најмладите, но и на сите граѓани.
Апелираше до сите да се однесуваат одговорно и да ја чуваат опремата.
„Ова е заеднички простор кој треба да го зачуваме за идните генерации“, порача градоначалникот.
