Угостителските објекти не работат, но затоа парковите „вријат“ и претставуваат дополнителна опасност за граѓаните.
Согласно мерките за заштита од ковид-19, угостителските објекти се затворија, но според она што можевме да го забележиме изминатиот викенд од објавите на социјалните мрежи, граѓаните секогаш ќе најдат начин да се видат со своите пријатели и да излезат од дома.
Сето тоа и не е толку страшно, доколку ги ограничиме контактите и ги почитуваме мерките за претпазливост, но она што се случуваше изминатиот викенд во Градскиот парк во Скопје сигурно не е соодветен пример како тоа се прави.
Иако во таа гужва има лица кои се веќе имунизирани, кои ја прележале болеста или не биле во никаков опасен контакт, има и такви кои не се свесни дека се потенцијални носители на коронавирусот.
Се чини дека и покрај апелите и препораките, превенцијата најмногу зависи од нас самите, нашата одговорност и совесноста која ја носиме.
Парк
Кафиќи не работат pic.twitter.com/KVLiyfkmLw— Грегорич Пек (@marsedonec) April 10, 2021
И ја би да легачам во парк, ама вечер ме чека скафандерот на работа.
— Ампаро (@amparo_095) April 11, 2021