Голем поздрав до жената во паркот која гледа во телефонот, оставајќи ги децата на мир.
Затоа што не ти е гајле за мислењето на јавноста дека мораш да бидеш на должност 24 часа на ден. Затоа што не ти е гајле за мислењето на „вознемирените мајки“.
За жената која и покрај купот садови решава да испие едно кафе со пријателките – голем поздрав и до тебе!
Да бидеш добра мајка или жена НЕ значи дека треба да поминеш цела вечност чистејќи ја куќата.
До жената во лекарската ординација, која трпеливо чека за да побара помош – голем поздрав и до тебе.
Постпородилната депресија не е шега. И натаму се држиш, немој да мешаш депресија со откажување, презема мерки и делуваш како жена која успева да се носи со тоа. Често мешаме слабост и сила. Да побараш помош значи да бидеш силен. Ти си силна. Многу жени минуваат низ истото, само не зборуваат за тоа.
До жената која сѐ уште не ги изгубила килограмите после породувањето – голем поздрав и до тебе.
Првите денови од новата 24-часовна работа за која не се добива плата и која ќе трае барем 20 години НЕ СЕ добар момент за да се откажеш од колачот. Изеди едно колаче и батали ги овие што немаат попаметна работа. Твоето постпородилно тело не смее да биде предмет на слободно коментирање.
