При контрола на сообраќајната полицијата со радар за ноќни услови вчера од 21 часот до полноќ сообраќајната полиција санкционирала 111 возачи кои возеле над дозволеното.
Како што соопшти МВР, од нив, две возила се движеле со брзина над 50 километри на час повеќе од дозволеното, а едно возило се движело со дури над 70 километри на час повеќе од дозволената брзина. При тоа 69 возачи ја пречекориле брзината во населено место, а 42 надвор од населено место.
Полицијата најавува дека засилените акциски контроли продолжуваат и во наредните денови и апелира до сите учесници во сообраќајот да ги почитуваат сообраќајните правила и прописи.