Градоначалникот на Град Скопје, Петре Шилегов вели дека станува збор за чистење на речното корито на Вардар кај населбата Ќерамидница за што не е потребна дозвола од Министерството за животна средина.
Инаку вчера неколку домашни медиуми објавија дека локалното население се жали дека со овие активности се поткопува коритото на Вардар.
– Граѓаните да не се грижат, се работи за чистење на користото на реката Вардар, што е наша законска обврска и немаме потреба да бараме дозвола од никого. До среда целосно ќе биде завршен делот кај Ќерамидница, по што ќе се продолжи кај хотелот „Русија“ – истакна Шилегов и потенцираше дека не треба да се дозволи Вардар да претставува опасност по животите и имотите на граѓаните.