WizzAir најавува 5 нови возбудливи рути во Северна Македонија, зајакнувајќи ја посветеноста на раст и поврзување

Wizz Air, еколошки најодржливата авиокомпанија во регионот на ЕМЕА, со задоволство најавува додавање на 5 нови рути во својата мрежа од Северна Македонија. Директните линии од Меѓународниот аеродром Скопје до Стокхолм, Мадрид, Прага, Бари и Ларнака се веќе достапни за резервација на wizzair.com и преку мобилната апликација WIZZ, со цени што започнуваат од само 9692 денари (во еден правец, со вклучени сите задолжителни такси и една рачна торба).

Wizz Air исто така додава шести авион во својата база во Скопје, а целата флота ќе биде надградена со најсовремени авиони Airbus A321neo до крајот на оваа година. Овие промени ќе го зголемат капацитетот на авиокомпанијата за 60%, дополнително зацврстувајќи ја нејзината позиција како пазарен лидер во Северна Македонија.

Wizz Air, која брои повеќе од 200 вработени во Северна Македонија, останува посветена на поддршката на локалната економија преку инвестиции и вработување. Денешниот ден претставува значаен чекор напред, кој ја потврдува заложбата на Wizz Air за поврзување на Северна Македонија со клучните европски градови и отворање нови можности како за патниците, така и за економскиот развој.

Авиокомпанијата го цени препознавањето од страна на Владата на Северна Македонија дека воздухопловниот сектор има клучна улога во поддршката на економскиот раст, поврзаноста и туризмот во земјата.

Коментирајќи ја експанзијата, Andras Rado, раководител на комуникации во Wizz Air, изјави: „Нашата отпорност, стратешките инвестиции и неодамна одбележаниот 15-милионити патник ја потврдуваат нашата долгорочна посветеност на Северна Македонија. Веруваме дека силен авијациски сектор е од клучно значење за економскиот развој и растот на туризмот во земјата. Возбудени сме што отвораме врати за нови доживувања за нашите патници и со нетрпение очекуваме да пречекаме уште повеќе патници кои ја посетуваат Македонија. Овие нови рути исто така ја зголемуваат поврзаноста, отворајќи ги скриените богатства на Северна Македонија за европските патници. Let’s WIZZ!”

Wizz Air исто така го зголемува бројот на летови од Скопје до пет популарни дестинации. Почнувајќи од зимската сезона, патниците ќе можат да уживаат во дополнителни неделни летови до Братислава, Карлсруе, Љубљана, Нирнберг и Париз.

За Wizz Air 

Wizz Air располага со флота од 237 авиони од типот Airbus A320 и A321. Тим од посветени професионалци во авијацијата обезбедуваат врвна услуга по многу ниски цени, правејќи ја Wizz Air прв избор за 62,8 милиони патници во 2024 година. Авиокомпанијата е котирана на Лондонската берза под ознаката WIZZ. Wizz Air неодамна беше прогласена за една од десетте најбезбедни авиокомпании во светот според airlineratings.com, единствената агенција за оценка на безбедноста и производите во авијацијата. Компанијата беше именувана и за „Авиокомпанија на годината“ од страна на Air Transport Awards во 2019 и повторно во 2023 година. Дополнително, Wizz Air беше призната како „Најодржлива нискобуџетна авиокомпанија“ за периодот 2021–2023, и добитник на наградата „Најдобра авиокомпанија за намалување на емисијата на јаглерод“ од World Finance Sustainability Awards во 2024. Истата година, Wizz Air ја доби и наградата „Најодржлива авиогрупација за регионот ЕМЕА“ од CAPA – Centre for Aviation Awards for Excellence 2024.