По вчерашната одлука за прекин на договорите за ангажирање на 33 лица во градското претпријатие ЈП „Комунална хигиена“, во јавноста се бура од коментари и реакции. Граѓаните на фејсбук страната ја коментираат оваа одлука на градската администрација.
Коментари доаѓаат и од високи функциониери на ДУИ, а дел од медиумите овие коментари ги сметаат за закани упатени до градоначалничката Арсовска.
-Данела немој да мислиш дека си нашла „планина без волк“ и можеш да правиш што сакаш, напиша заменик директорот на УЈП на својот фејсвук профил.
Реакцијата на Абдул Селам Селами доаѓа по одлуката на градоначалничката на Скопје, Данела Арсовска и директорот на ЈП Комунална хигиена, Косана Мазнева за прекинување на договорот на 33 т.н. „рамковни вработувања“ во ова градско претпријатие.
