Времето денеска: Облачно со дожд и засилен јужен ветер

Времето во Македонија ќе биде претежно облачно, во западните делови со врнежи од дожд, кои на крајниот запад ќе бидат обилни. Ќе дува засилен јужен ветер. Температурата ќе се движи од пет до 16 степени.

Во Скопје ќе биде облачно, со врнежи од дожд. Ќе дува засилен јужен ветер. Температурата ќе достигне до 12 степени.

Нов влажен и релативно топол бран со обилни врнежи од дожд ќе има до сабота. Во петок обилни врнежи се очекуваат на повеќе места,а во сабота во источните делови каде ќе има услови за појава на грмежи. Снег ќе има само на високите планини.Од целиот влажен бран се очекува на повеќе места да наврнат над 50 л/м2, а во крајните западни делови локално и околу 100л/м2 дожд. Во недела и понеделник врнежите ќе бидат локални, а температурите ќе бидат во опаѓање.