Министерството за внатрешни работи информираше дека во врска со пријавено кривично дело „самовластие“ од страна на Фуркан Салиу, новинар од ТВ Клан, а сторено од А.М.Б., вработена во ЈП Комунална хигиена-Скопје во просториите на јавното претпријатие, преземени се соодветни мерки и активности и случајот е расчистен.
Новинарот претходно за случајот информираше преку својот фејсбук профил, а истиот го пријавил и во Министерството за внатрешни работи.
- Од страна на полициски службеници од Единицата за насилен криминал - Одделение за насилен криминал, превземени се мерки и активности за документирање на кривично правниот настан, при што на 09.08.2022 во просториите на ЕНК ОНК при СВР Скопје повикана е А.М.Б., која го одземала мобилниот телефон на оштетениот Ф.С. и со неа е извршен службен разговор во врска со пријавеното кривично дело, се вели во денешното соопштение од МВР.
Исто така на 09.08.2022 година во просториите на ЕНК ОНК при СВР Скопје повикан е С.К., вработен во ЈП Комунална хигиена- Скопје, кој бил присутен за време на настанот.
По извршената консултација со ОЈО Скопје, против А.М.Б. ќе биде поднесена соодветна кривична пријава.