Вознемирувачко видео од Лисиче, средношколците апелираат да се сопре овој геноцид

Ситуацијата со загадувањето излегува од контрола и претставува огромна опасност врз здравјето на граѓаните, алармираат од „Средношколски глас“.

Оваа снимка ни ја прати средношколец од населбата Лисиче и ни пренесува дека едвај прст пред око се гледа, воедно без филтер маска е невозможно да се движите надвор, очите исто така печат. Мора да се преземат мерки во најбрз можен рок и да се спречи овој геноцид!, велат од средношколската организација за заштита на животната средина, која го изнесува гласот на средношколците во Македонија.