Сонцето и убавото време можеме да ги користиме на многу начини, но дали има подобар начин од активности на отворено по што ќе се чувствуваме подобро и ќе се забавуваме?
Со топлото време, бројот на активности на отворено значително се зголемува, а една од многуте е возењето на старите добри ролерки. Имаме многу убави сеќавања од детството … Речиси никој од нас не пропушти топол ден без ниту еден круг околу паркот, а освен што е забавна активност, исто така и му правиме на нашето тело една голема физичка активност.
Возењето на ролерки е поефикасно од пливањето или скијањето, а е исто толку ефикасно како и трчањето, така што можете да бидете сигурни дека сте направиле многу добар тренинг ако се одлучите на возење ролерки.
Ролерките се одлични за зајакнување на бутовите и подигнување на задникот, а вие ги зајакнувате и мускулите на рацете затоа што треба да ги одржувате во рамнотежа при тркалање.
